До:

Информативната служба

на Православната Охридска Архиепископија

Известување за чудо на Мајката Божја

Во параклисот „Покров на Пресвета Богородица“, Куманово, полошко-кумановска Епархија на Православната Охридска Архиепископија, воочи празникот Воздвижение на Чесниот Крст (26/13 Септември 2014 г.), а, исто така и претходната недела воочи празникот Рождество на Пресвета Богородица (20/07 Септември 2014 г.), пред крајот на вечерната богослужба, на која богослужеше нашата смерност со својот свештеник и ѓакон, бевме очевидци и сведоци на прекрасен настан, на чудо, кога кандилото пред престолната икона на Мајката Божја почна само од себе кружно да се движи, на моменти менувајќи го движењето праволиниски. Таа појава траеше околу 30 минути. За тоа постои и видео запис. Но, за жал, свештеникот вчудоневиден од таа глетка, со својот мобилен телефон успеа да сними само неколку минути од овој небесен настан.

За овој небесен настан, чудо, сакаме да ги известиме сите православни кои живеат ширум целиот свет и затоа Ве молиме ова известување да го поставите на нашата интернет страница.

Во прилог испраќаме и видео запис.

 

За ова чудо известува нашата смерност, Епископ полошко-кумановски Јоаким.

 

 

Воздвижение на Чесниот Крст

27/14 Септември 2014 г.

Куманово