Pravoslavna Ohridska Arhiepiskopija
→ Српски

Епископот стобиски и Местобљустител струмички Давид (Нинов) е роден на 27-ми Јули 1972 год., во Скопје. Првите сознанија за православната вера ги добива од баба му, која подоцна се замонашува и се упокојува како монахиња Теодосија.

Пред заминувањето во манастир бил уредник на списанието за литература, уметност и култура „Стремеж“ и работел во редакцијата за култура на државната телевизија. Објавил неколку книги стихови; добитник е на наградата „Студентски збор“ за најдобра дебитантска поетска книга и застапуван е, на повеќе јазици, во повеќе антологии поезија.

 

Во манастир заминува 1995 година. Во 1996 год., како расофорен монах, ракоположен е во ѓаконски чин. Во голема схима е замонашен 1997 год., и истата година е ракоположен за јеромонах. Од манастирот покренува издавачка дејност и ја уредува периодиката „Успение“.

После неговото пристапување во автономната Охридска Архиепископија (11.01.2004 г.), заедно со Претстоителот на Црквата, Архиепископот охридски г.г. Јован и останатите монаси и верници, се наоѓа под постојан прогон врз верска основа, спроведуван од страна на државните институции.

 

За викарен Епископ стобиски е избран во 2006 год., но заради затворањето на Архиепископот охридски г.г. Јован, хиротонијата во епископски чин е извршена на 17-ти Јуни 2007 година. Во 2008 год., поставен е за Администратор струмички.

Ја извршува функцијата прв секретар на Светиот Архиерејски Синод, уредник е на официјалната интернет страница на Православната Охридска Архиепископија, како и на „Соборност”, периодика на Архиепископијата.

 

Завршил средно културолошко училиште во Скопје и студирал старогрчка и латинска филологија на Институтот за класични студии при скопскиот универзитет.

Дипломирал теологија на Теолошкиот факултет при државниот Аристотелов универзитет во Солун, Грција. На истиот универзитет ги следи постдипломските студии од областа на догматиката и философијата во православното предание.

 

Учествувал на меѓународни симпосиони и конференции.

Преведува богословски текстови од грчки јазик.

 

e-mail: st.episcopiagmail.com

Личен блог: https://david-ninov.net