Pravoslavna Ohridska Arhiepiskopija
 

Вести


 

Синаксар


 

Издаваштво


Прашања, одговори
и коментари


 

Врски


 

Видео и аудио записи


 

Архиепископ


Свет
Архиерејски
Синод


 

Историја


 

Организација
и адреси


 

Библиотека




English Version

1000 години Охридска Архиепископија

Омилија на Архиепископот Јован на прославата на јубилејот 1000 години Охридска Архиепископија

1100 години Свети Климент Охридски

Омилија на Архиепископот Јован на прославата на 1100 години од блаженото упокоение на Свети Климент Охридски


RSS  rss
YouTube  YouTube


рубрика: вести

31.03.2020

Од Епископијата ваљевска на Српската Православна Црква беше соопштено: со голема тага и вера во воскресението во Царството небесно, ја известуваме јавноста дека во ноќта на 30-ти Март во КБЦ „Драгиша Мишовиќ“ во Белград се упокои нашиот драг духовен отец, Преосвештениот Епископ ваљевски г. Милутин, по кратко боледување предизвикано од корона вирусот. Нека Господ му подари Царство небесно и вечен покој!

Извор: spc.rs


рубрика: свет архиерејски синод\соопштенија

23.03.2020

Светиот Архиерејски Синод на Православната Охридска Архиепископија, на својата седница, одржана на 23-ти Март 2020 год., сестрано го разгледа и актуелниот проблем на пандемијата, т.е. брзото распространување на COVID-19, и со цел да придонесе во запирањето на понатамошното ширење на овој, за мнозина кобен вирус, ги повикува граѓаните припадници на Православната Охридска Архиепископија редовно да ги следат и целосно да ги спроведуваат препораките на Светската здравствена организација, како и привремените мерки, кои произлегуваат од вонредната состојба што ја прогласи Владата на Република Северна Македонија.

Појдовен стремеж, пред сè да им биде општествената одговорност и штедриот израз на човекољубие кон ближниот, а како и секогаш, под ближен да се подразбира буквално секој сограѓанин, без разлика на националната или верската припадност.

Согласно на вековното православно предание, да се практикува принципот на саможртвена љубов, со цел да се сочува животот на ближниот! Следствено, најважно е, секој од граѓаните припадници на Православната Охридска Архиепископија, будно да внимава и да не си дозволи да стане, ниту носител, уште помалку преносител на вирусот!

Светиот Архиерејски Синод на Православната Охридска Архиепископија, истовремено, им изразува целосна молитвена поддршка на лекарите и севкупниот медицински персонал, кои без престан се борат да ѝ стават крај на пандемијата, и го призива благословот Божји да пребива на нив.

Светиот Архиерејски Синод на Православната Охридска Архиепископија ги повикува граѓаните припадници на Архиепископијата да го прифатат ова искушение како нова можност за преобразба на животот и на тој начин да отворат простор во нивните срца да воскресне Лекарот на нашите души и тела, Христос Господ!


рубрика: вести

15.03.2020

Во неделата на Св. Григориј Палама, Неговото Блаженство, Архиепископот охридски и Митрополит скопски г.г. Јован служеше и проповедаше во Ставропигијалниот манастир Св. Јован Златоуст во Битола.


рубрика: вести

11.03.2020

На 11 Март, Неговото Блаженство, Архиепископот охридски и Митрополит скопски г.г. Јован беше присутен на Литургијата на претходноосветените дарови во Ставропигијалниот манастир Св. Јован Златоуст во Битола.


рубрика: вести

08.03.2020

Во Неделата на православието, Неговото Блаженство, Архиепископот охридски и Митрополит скопски г.г. Јован служеше и проповедаше во Ставропигијалниот манастир Св. Јован Златоуст во Битола.

На крајот од Литургијата беше прочитан Синодиконот на православието.


рубрика: вести

07.03.2020

На Тодорова сабота, Неговото Блаженство, Архиепископот охридски и Митрополит скопски г.г. Јован служеше и проповедаше во Ставропигијалниот манастир Св. Јован Златоуст во Битола.


рубрика: вести

06.03.2020

Неговото Блаженство, Архиепископот охридски и Митрополит скопски г.г. Јован ја прочита првата статија од Акатистот кон Пресвета Богородица во Ставропигијалниот манастир Св. Јован Златоуст во Битола


рубрика: вести

04.03.2020

Во првата среда од Светата Четириесетница, Неговото Блаженство, Архиепископот охридски и Митрополит скопски г.г. Јован отслужи Претходноосветена Литургија во Ставропигијалниот манастир Св. Јован Златоуст во Битола.


рубрика: вести

29.02.2020

Неговото Блаженство Архиепископот охридски и Митрополит скопски г.г. Јован сослужуваше на повеќе-архијерејската Литургија за празникот на Св. Симеон Мироточив, во Подгорица, Црна Гора.

На Литургијата началствуваше Неговото Блаженство Митрополитот Киевски и на цела Украина г. Онуфриј од Украинската Православна Црква на Московската Патријаршија, а му сослужуваа и Архијереи од Украинската Црква, Српската Православна Црква и Православната Охридска Архиепископија.

Во текот на Литургијата со вдахновена Архипастирска беседа на верниот народ му се обрати Архиепископот охридски Јован, кој истакна дека денес е недела на простување, но и недела на покајание, додавајќи: “Затоа сега треба да се сетиме на овој најважен критериум, кој благословил толку многу генерации, а мораме да го продолжиме и ние, бидејќи е најважен за Царството Божјо”.

Архиепископот Јован истакна дека литиите во Црна Гора ги вдахновуваат сите христијани во светот, истакнувајќи дека: “тие се заслуга на вашиот Митрополит Амфилохиј, но и на сите вас, бидејќи го имате научено критериумот на покајание и простување, кој е лекција за сите нас”.

Празникот на Св. Симеон Мироточив е слава на Митрополијата Црногорско-Приморска и секогаш се прославува свечено, а оваа година најбројната празнична литија има особено значење бидејќи се одвива во атмосфера на борба на Црквата за зачувување на своите светињи.

© православна охридска архиепископија 2004-2020